Two Line Bewafaai Shayari
Two Line Bewafaai Shayari Poetry in Urdu/Hindi
Har Kisi Se Maangte Hain Ye Wafaaon Ka Saboot
Bewafaa Jab Se Wafaadaaron Ke Maalik Ho Gaye
———————–
Ham Se Sharmaata Hai Aaina Muqaabil Aa Kar
Bewafaa Hain Na Munaafiq Na Adaakaar Hain Ham
———————–
Har Ek Se Kahate Hain Ke ‘Daagh’ Bewafaa Nikla
Ye Poochhe In Se Koi Wo Ghulaam Kis Ka Tha
———————–
Tum Bhi Majaboor Ho Hum Bhi Majaboor Hain
Bewafaa Kaun Hai Aur Baa-Wafaa Kaun Hai
———————–
Baghair Us Bewafaa Se Ji Lagaaye
Jo Sach Poochho To Dil Kis Ka Lage Hai
———————-
Insaan Apne Aap Men Majaboor Hai Bahut
Koi Nahin Hai Bewafaa Afsos Mat Karo
———————–
Aashiqui Men Bahut Zaroori Hai
Bewafaai Kabhi Kabhi Kar Li
———————–
Gham To Ye Hai Ki Vo Ahad-E-Wafaa Toot Gaya
Bewafaa Koi Bhi Ho Tum Na Sahi Ham Hi Sahi
———————–
Mare Jaate Hain Teri Bewafaai Dekhne Vaale
Chiraagh-E-Subah Hai Shaam-E-Judaai Dekhane Vaale
———————–
‘Daagh’ Kyoon Tum Ko Bewafaa Kahta
Vo Shikaayat Ka Aadami Hi Nahin
———————–
Har Ek Se Kahte Hain Kyaa Daagh Bewafaa Nikla
Ye Poochhe In Se Koi Vo Ghulaam Kis Ka Tha
———————–
Qaasid Ki Guftagu Se Tasalli Ho Kis Tarah
Chhipti Nahin Wo Jo Teri Zabaan Ki Hai
————————-
Hamen Bhi Doston Se Kaam Aa Pada Yaani
Hamaare Doston Ke Bewafaa Hone Ka Vaqt Aayaa
———————–
Haan Vo Nahin Khuda-Parast, Jaao Vo Bewafaa Sahi
Jis Ko Ho Deen-O-Dil Aziz Us Ki Gali Men Jaaye Kyun
———————–
Phir Usi Bewafaa Pe Marte Hain
Phir Vahi Zindagi Hamaari Hai
———————–
Qata’a Keejiay Na Ta’aluq Hum Se
Kuchh Nahin Hai To Adaawat Hi Sahi
———————–
Barse Baghair Hi Jo Ghataa Ghir Ke Khul Gai
Ek Bewafaa Kaa Ahad-E-Wafaa Yaad Aa Gayaa
———————–
Bewafaa Tum Kabhi Na The Lekin
Ye Bhi Sach Hai Ki Bewafaa Se Rahe
———————–
Ye Adaa-E-Beniyaazi Tujhe Bewafaa Mubaarak
Magar Aisi Berukhi Kya Ki Salaam Tak Na Pahunche
———————–
Wafa-Sha’aar Kayi Hain Koi Haseen Bhi To Ho,
Chalo Phir Aaj Usi Bewafaa Ki Baat Karen
———————–
Tum Mujhe Bhool Bhi Jaao To Yeh Haq Hai Tum Ko,
Meri Baat Aur Hai Main Ne To Mohabbat Ki Hai
———————–
Dekha Mujhe To Tark-E-Taluq Ke Bawajood
Wo Muskura Diya Ye Hunar Bhi Ussi Ka Tha
———————–
Wo Zindagi Ho Ke Duniya ‘Faraz’ Kya Keejiye,
Ke Jis Se Ishq Karo Bewafa Nikalta Hai
———————–
Kyon Zamaane Ko Ilzaam Dein ‘Faraz’
Wo Nahin Hain To Be-Wafa Hain Hum
————————-
Khud Apne Aap Ko Parkhaa To Ye Nadaamat Hai
Ke Ab Kabhi Use Ilzaam-E-Bewafaai Na Doon
———————–
Aa Ke Ab Tasleem Kar Len Tu Nahin To Main Sahi
Kaun Maanegaa Ke Ham Men Bewafaa Koi Nahin
———————–
Wafa Ke Khwaab Mohabbat Ka Aasraa Le Jaa
Agar Chala Hai To Jo Kuchh Mujhe Diya Le Jaa
———————–
Nahin Shikvaa Mujhe Kuchh Bewafaai Ka Teri Hargiz
Gilaa Tab Ho Agar Tu Ne Kisi Se Bhi Nibhaai Ho
———————–
Teri Be-Wafaaiyon Pe, Teri Kaj-Adaaiyon Pe
Kabhi Sar Jhukaa Ke Roye Kabhi Munh Chhupaa Ke Roye
———————–
Aafaton Men Jaan-O-Dil Ka Daalnaa Bekaar Hai
Bewafaa Se Dil Lagaa Kar Kya Koi Phal Paaye Hai
———————–
Aap Ko Bhool Jaayen Ham Itne To Bewafaa Nahin
Aap Se Kyaa Gilaa Karen Aap Se Kuchh Gilaa Nahin
———————–
Ab Na Deje Zafar Kisi Ko Dil
Ki Jise Dekhaa, Bewafaa Dekhaa
———————–
Badi Zaalim Nihaayat Bewafaa Hai
Ye Duniyaa Phir Bhi Kitni Khush-Numaa Hai
———————–
Bewafaa Bhi Ho Sitamagar Bhi Jafaa Peshaa Bhi
Ham Khuda Tum Ko Bana Lenge Tum Aao To Sahi
———————–
Bewafaa Likhte Hain Vo Apani Qalam Se Mujh Ko
Ye Vo Qismat Ka Likhaa Hai Jo Mita Bhi Na Sakoon
———————–
Bewafaa To Na Vo The Na Ham
Yoon Huaa Bas Judaa Ho Gaye
2 Line Sad Barish Poetry – Barish Shayari Collection
2 Line Sad Shayari in Urdu – Sad Heart Broken Poetry in Urdu
Follow Us:
Facebook: Https://Bit.Ly/3kz8I6e
Pinterest: Https://Bit.Ly/32MdcAm
Youtube: Https://Bit.Ly/35blMZO
