Tumhein Udaas Sa Pata Hoon – Sahir Ludhianvi

Tumhein Udaas Sa Pata Hoon – Sahir Ludhianvi

Tumhein Udaas Sa Pata Hoon Main Kai Din Se
Na Jaane Kaun Se Sadme Uthaa Rahi Ho Tum
Voh Shokhiyaan, Vo Tabassum, Vo Qahqahe Na Rahe
Har Ek Cheez Ko Hasrat Se Dekhti Ho Tum
Chhupaa Chhupaa Ke Khamoshi Mein Apni Be-Chaini
Khud Apne Raaz Ki Tashheer Ban Gayi Ho Tum

تمہیں اداس سا پاتا ہوں میں کئی دن سے
نہ جانے کون سے صدمے اٹھا رہی ہوتم
وہ شوخیاں وہ تبسم وہ قہقہے نہ رہے
ہر ایک چیز کو حسرت سے دیکھتی ہو تم
چھپا چھپا کے خموشی میں اپنی بے چینی
خود اپنے راز کی تشہیر بن گئی ہو تم

Meri Ummeed Agar Mit Gayi To Mitne Do
Ummeed Kya Hai Bas Ik Pesh-O-Pas Hai Kuchh Bhi Nahin
Meri Hayaat Ki Ghamgeeniyon Ka Gham Na Karo
Gham-E-Hayaat, Gham-E-Yak-Nafas Hai Kuchh Bhi Nahin
Tum Apne Husn Ki Ra’naayion Pe Raham Karo
Wafa Fareb Hai Tool-E-Hawas Hai Kuchh Bhi Nahi

میری امید اگر مٹ گئی تو مٹنے دو
امید کیا ہے بس اک پیش و پس ہے کچھ بھی نہیں
میری حیات کی غمگینیوں کاغم نہ کرو
غمِ حیات غم یک نفس ہے کچھ بھی نہیں
تم اپنے حسن کی رعنائیوں پہ رحم کرو
وفا فریب ہے، طول ہوس ہے کچھ بھی نہیں

Mujhe Tumhaare Taghaaful Se Kya Shikaayat Ho
Meri Fanaa Mere Ehsaas Ka Taqaazaa Hai
Main Jaantaa Hoon Duniya Ka Khauf Hai Tum Ko
Mujhe Khabar Hai Ye Duniya Ajeeb Duniya Hai
Yahaan Hayaat Ke Parde Mein Maut Palti Hai
Shikast-E-Saaz Ki Aavaaz Rooh-E-Naghma Hai

مجھے تمہارے تغافل سے کیوں شکایت ہو؟
مری فنا مرے احساس کا تقاضا ہے
میں‌ جانتا ہوں کہ دنیا کا خوف ہے تم کو
مجھے خبر ہے یہ دنیا عجیب دنیا ہے
یہاں حیات کے پردے میں موت پلتی ہے
شکستِ ساز کی آواز روحِ نغمہ ہے

Mujhe Tumhaari Judaai Ka Koi Ranj Nahin
Mere Khayaal Ki Duniya Mein Mere Paas Ho Tum
Ye Tum Ne Theek Kaha Hai Tumhein Milaa Na Karoon
Magar Mujhe Ye Bataa Do Ke Kyon Udaas Ho Tum
Khafaa Na Hona Meri Jurrat-E-Takhaatub Par
Tumhein Khabar Hai Meri Zindagi Ki Aas Ho Tum

مجھے تمہاری جدائی کا کوئی رنج نہیں
مرے خیال کی دنیا میں‌میرے پاس ہو تم
یہ تم نے ٹھیک کہا ہے تمہیں ملا نہ کروں
مگر مجھے یہ بتا دو کہ کیوں اداس ہو تم
خفا نہ ہونا مری جرأت تخاطب پر؟
تمہیں‌خبر ہے مری زندگی کی آس ہو تم

Mera To Kuchh Bhi Nahin Hai Main Ro Ke Jee Loon Gaa
Magar Khuda Ke Liye Tum Aseer-E-Gham Na Raho
Huaa Hi Kya Jo Zamaane Ne Tum Ko Chheen Liya
Yahaan Pe Kaun Huaa Hai Kisi Ka Socho To
Mujhe Qasam Hai Meri Dukh Bhari Javaani Ki
Main Khush Hoon, Meri Muhabbat Ke Phool Thukra Do

مرا تو کچھ بھی نہیں ہے میں رو کے جی لوں گا
مگر خدا کے لیے تم اسیرِ‌غم نہ رہو
ہوا ہی کیا جو زمانے نے تم کو چھین لیا
یہاں پہ کون ہوا ہے کسی کا، سوچو تو
مجھے قسم ہے مری دکھ بھری جوانی کی
میں خوش ہوں میری محبت کے پھول ٹھکرا دو

Main Apni Rooh Ki Har Ik Khushi Mitaa Loon Gaa
Magar Tumhaari Masarrat Mitaa Nahin Sakta
Main Khud Ko Maut Ke Haathon Mein Saunp Sakta Hoon
Magar Ye Baar-E-Masaaib Uthaa Nahin Sakta
Tumhaare Gham Ke Sivaa Aur Bhi To Gham Hain Mujhe
Najaat Jin Se Main Ik Lahza Paa Nahin Sakta

میں اپنی روح کی ہر اک خوشی مٹا لوں گا
مگر تمہاری مسرت مٹا نہیں سکتا
میں‌ خود کو موت کے ہاتھوں میں‌سونپ سکتاہوں
مگر یہ بارِ مصائب اٹھا نہیں سکتا
تمہارے غم کے سوا اور بھی تو غم ہیں مجھے
نجات جن سے میں اک لحظہ پا نہیں ‌سکتا

Ye Unche Unche Makaanon Ki Dyodhiyon Ke Tale
Har Ek Gaam Pe Bhookhe Bhikaariyon Ki Sada
Har Ek Ghar Mein Hai Iflaas Aur Bhookh Ka Shor
Har Ek Samt Ye Insaaniyat Ki Aah-O-Bukaa
Ye Kaarkhaanon Mein Lohe Ka Shor-O-Ghul Jis Mein
Hai Dafn Laakhon Ghareebon Ki Rooh Ka Naghma

میں اپنی روح کی ہر اک خوشی مٹا لوں گا
مگر تمہاری مسرت مٹا نہیں سکتا
میں‌ خود کو موت کے ہاتھوں میں‌سونپ سکتاہوں
مگر یہ بارِ مصائب اٹھا نہیں سکتا
تمہارے غم کے سوا اور بھی تو غم ہیں مجھے
نجات جن سے میں اک لحظہ پا نہیں ‌سکتا

Ye Shaah-Raahon Pe Rangeen Saariyon Ki Jhalak
Ye Jhonpadon Mein Ghareebon Ke Be-Kafan Laashein
Ye Maal Road Pe Kaaron Ki Rel-Pel Ka Shor
Ye Patriyon Pe Ghareebon Ke Zard-Ru Bachche

یہ شاہراہوں پہ رنگین ساڑھیوں کی جھلک
یہ جھونپڑوں میں‌غریبوں کے بے کفن لاشے
یہ مال روڈ پہ کاروں کی ریل پیل کا شور
یہ پٹڑیوں پہ غریبوں کے زرد رو بچے

Gali Gali Mein Ye Bikte Hue Javaan Chehre
Haseen Aankhon Mein Afsurdagi Si Chhaai Hai
Ye Jang Aur Ye Mere Watan Ke Shokh Javaan
Khareedi Jaati Hain Uth-Ti Javaaniyaan Jin Ki
Ye Baat Baat Pe Qaanon-O-Zaabte Ki Giraft
Ye Zillatein, Ye Ghulaami, Ye Daur-E-Majboori

گلی گلی میں یہ بکتے ہوئے جواں چہرے
حسین آنکھوں میں افسردگی سی چھائی ہوئی
یہ جنگ اور یہ میرے وطن کے شوخ جواں
خریدی جاتی ہے اٹھتی جوانیاں جن کی
یہ بات بات پہ قانون و ضابطے کی گرفت
یہ ذلّتیں، یہ غلامی یہ دورِ مجبوری

Ye Gham Bahut Hain Meri Zindagi Mitaane Ko
Udaas Rah Ke Mere Dil Ko Aur Ranj Na Do

یہ غم بہت ہیں مری زندگی مٹانے کو
اداس رہ کے مرے دل کو اور رنج نہ دو

Tumhein Udaas Sa Pata Hoon Main Kai Din Se
Na Jaane Kaun Se Sadme Uthaa Rahi Ho Tum

Wo Koi Aur Na Tha, Chand Khusk Patay Thay – Urdu Poetry

Ay Dost Zara Aur Kareeb E Rag E Jaan Ho – Lyrics

Shab-e-Gham Ki Darazi Zulf-e-Janaan Kon Dekhy Ga

FOLLOW US:

Facebook: Https://Bit.Ly/3kz8I6e

Pinterest: Https://Bit.Ly/32MdcAm

Youtube: Https://Bit.Ly/35blMZO