Raat Bhi Neend Bhi Kahaani Bhi – Firaq Gorakhpuri

Raat Bhi Neend Bhi Kahaani Bhi 

Firaq Gorakhpuri

Raat Bhi Neend Bhi Kahaani Bhi
Haaye Kyaa Cheez Hai Javaani Bhi

رات بھی نیند بھی کہانی بھی
ہائے کیا چیز ہے جوانی بھی

Ek Paighaam-E-Zindagani Bhi
Aashiqi Marg-E-Naagahaani Bhi

ایک پیغامِ زندگانی بھی
عاشقی مرگِ ناگہانی بھی

Is Adaa Kaa Teri Javaab Nahin
Meharbani Bhi Sargaraani Bhi

اس ادا کا تری جواب نہیں
مہربانی بھی سرگرانی بھی

Dil Ko Apne Bhi Gham The Duniyaa Men
Kuchh Balaayen Thi Aasmaani Bhi

دل کو اپنے بھی غم تھے دنیا میں
کچھ بلائیں تھیں آسمانی بھی

Mansab-E-Dil Khushi Lutaataa Hai
Gham-E-Pinhaan Bhi Paasabaani Bhi

منصبِ دل خوشی لٹاتا ہے
غمِ پنہاں بھی پاسبانی بھی

Dil Ko Sholon Se Karati Hai Sairaab
Zindagi Aag Bhi Hai Paani Bhi

دل کو شعلوں سے کرتی ہے سیراب
زندگی آگ بھی ہے پانی بھی

Laakh Husn-E-Yaqin Se Ba.Dakar Hai
In Nigaahon Ki Badagumaani Bhi

لاکھ حسنِ یقیں سے بڑھ کر ہے
ان نگاہوں کی بد گمانی بھی

Tanganaa-E-Dil-E-Malaal Men Hai
Behr-E-Hasti Ki Bekaraani Bhi

تنگنائے دلِ ملال میں ہے
بحرِ ہستی کی بے کرانی بھی

Ishq-E-Naakaam Ki Hai Parachhaai
Shaad-Maani Bhi Kaamaraani Bhi

عشقِ ناکام کی ہے پرچھائی
شادمانی بھی کامرانی بھی

Dekh Dil Ke Nigaar-Khaane Men
Zakhm-E-Pinhaan Ki Hai Nishaani Bhi

دیکھ! دل کے نگار خانے میں
زخمِ پنہاں کی ہے نشانی بھی

Khalq Kyaa-Kyaa Mujhe Nahin Kahati
Kuchh Sunoon Main Teri Zabaani Bhi

خلق کیا کیا مجھے نہیں کہتی
کچھ سنوں میں، تری زبانی بھی

Aaye Taarikh-E-Ishq Mein Sau Baar
Maut Ke Daur-Darmiyaani Bhi

آئے تاریخِ عشق میں سو بار
موت کے دور درمیانی بھی

Apni Maasoomiyon Ke Parde Men
Ho Gai Vo Nazar Sayaani Bhi

اپنی معصومیوں کے پردے میں
ہو گئی وہ نظر سیانی بھی

Din Ko Sooraj-Mukhi Hai Vo Naugul
Raat Ko Vo Hai Raat-Raani Bhi

دن کو سورج مُکھی ہے وہ نو گُل
رات کو وہ ہے رات رانی بھی

Dil-E-Badanaam Tere Baare Men
Log Kahate Hain Ik Kahaani Bhi

دلِ بد نام تیرے بارے میں
لوگ کہتے ہیں اک کہانی بھی

Nazm Karate Koi Nai Duniyaa
Ki Ye Duniyaa Hui Puraani Bhi

نظم کرتے کوئی نئی دنیا
کہ یہ دنیا ہوئی پرانی بھی

Dil Ko Aadaab-E-Bandagi Bhi Na Aaye
Kar Gaye Log Hukmaraani Bhi

دل کو آدابِ بندگی بھی نہ آئے
کر گئے لوگ حکمرانی بھی

Jaur-E-Kam-Kam Kaa Shukriyaa Bas Hai
Aap Ki Itani Meharabaani Bhi

جورِ کم کم کا شکریہ بس ہے
آپ کی اتنی مہربانی بھی

Dil Men Ik Hook Bhi Uthe Ai Dost
Yaad Aai Teri Javaani Bhi

دل میں اک ہوک بھی اٹھی اے دوست
یاد آئی تری جوانی بھی

Sar Se Paa Tak Sapurdagi Ki Adaa
Ek Andaaz-E-Turkamaani Bhi

سر سے پا تک سپردگی کی ادا
ایک اندازِ ترکمانی بھی

Paas Rahanaa Kisi Kaa Raat Ki Raat
Mehamaani Bhi Mezabaani Bhi

پاس رہنا کسی کا رات کی رات
میہمانی بھی میزبانی بھی

Zindagi Ain Did-E-Yaar “Firaq”
Zindagi Hijr Ki Kahaani Bhi

زندگی عین دیدِ یار فراق
زندگی ہجر کی کہانی بھی

Aandhi Mein Charagh Jal Rahe Hain – Urdu Poetry

Mujh Ko Begaana Kar Gaye Mere Din – Jaun Elia

Follow Us:

Facebook: Https://Bit.Ly/3kz8I6e

Pinterest: Https://Bit.Ly/32MdcAm

Youtube: Https://Bit.Ly/35blMZO