Muddat Hui Hai Yar Ko Mehman Kiye Huye – Mirza Ghalib Shayari

Muddat Hui Hai Yar Ko Mehman Kiye Huye

Mirza Ghalib Shayari

Muddat hui hai yar ko mehman kiye huye
Josh-e-qadah se bazm charaghan kiye huye

مدت ہوئی ہے یار کو مہماں کئے ہوئے​جوشِ قدح سے بزم چراغاں کئے ہوئے​

Karta hun jama phir jigar-e-lakht-lakht ko
Arsa hua hai dawat-e-mizhgan kiye huye

کرتا ہوں جمع پھر جگرِ لخت لخت کو​عرصہ ہوا ہے دعوتِ مژگاں کئے ہوئے​

Phir waz-e-ahtiyat se rukne laga hai dam
Barson hue hain chaak gareban kiye huye

پھر وضعِ احتیاط سے رکنے لگا ہے دم​برسوں ہوئے ہیں چاک گریباں کئے ہوئے​

Phir garm-nala-haye shararbar hai nafas
Muddat hui hai sair-e-charaghan kiye huye

پھر گرمِ نالہ ہائے شرر بار ہے نفَس​مدت ہوئی ہے سیرِ چراغاں کئے ہوئے​

Phir pursish-e-jarahat-e-dil ko chala hai ishq
Saman-e-sad-hazar namak-dan kiye huye

پھر پرسشِ جراحتِ دل کو چلا ہے عشق​سامانِ صد ہزار نمک داں کئے ہوئے​

Phir bhar raha hun khama-e-mizhgan ba-khun-e-dil
Saz-e-chaman taraazi-e-daman kiye huye

پھر بھر رہا ہوں خامۂ مژگاں بہ خونِ دل​سازِ چمن طرازئ داماں کئے ہوئے​

Baham-digar hue hain dil o dida phir raqib
Nazzara o khayal ka saman kiye huye

باہم دگر ہوئے ہیں دل و دیدہ پھر رقیب​نظارہ و خیال کا ساماں کئے ہوئے​

Dil phir tawaf-e-ku-e-malamat ko jaye hai
Pindar ka sanam-kada viran kiye huye

دل پھر طوافِ کوئے ملامت کو جائے ہے​پندار کا صنم کدہ ویراں کئے ہوئے​

Phir shauq kar raha hai kharidar ki talab
Arz-e-mata-e-aql-o-dil-o-jaan kiye huye

پھر شوق کر رہا ہے خریدار کی طلب​عرضِ متاعِ عقل و دل و جاں کئے ہوئے​

Daurde hai phir har ek gul-o-lala par khayal
Sad-gulistan nigah ka saman kiye huye

دوڑے ہے پھر ہر ایک گل و لالہ پر خیال​صد گلستاں نگاہ کا ساماں کئے ہوئے​

Phir chahta hun nama-e-dildar kholna
Jaan nazr-e-dil-farebi-e-unwan kiye huye

پھر چاہتا ہوں نامۂ دلدار کھولنا​جاں نذرِ دلفریبئِ عنواں کئے ہوئے​

Mange hai phir kisi ko lab-e-baam par hawas
Zulf-e-siyah rukh pe pareshan kiye huye

مانگے ہے پھر کسی کو لبِ بام پر ہوس​زلفِ سیاہ رخ پہ پریشاں کئے ہوئے​

Chahe hai phir kisi ko muqabil mein aarzoo
Surme se tez dashna-e-mizhgan kiye huye

چاہے ہے پھر کسی کو مقابل میں آرزو​سرمے سے تیز دشنۂ مژگاں کئے ہوئے​

Ek nau-bahaar-e-naz ko take hai phir nigah
Chehra farogh-e-mai se gulistan kiye huye

اک نوبہارِ ناز کو تاکے ہے پھر نگاہ​چہرہ فروغ مے سے گلستاں کئے ہوئے​

Phir ji mein hai ki dar pe kisi ke pade rahen
Sar zer-bar-e-minnat-e-darban kiye huye

پھر جی میں ہے کہ در پہ کسی کے پڑے رہیں​سر زیر بارِ منتِ درباں کئے ہوئے​

Ji dhundta hai phir wahi fursat ki raat din
Baithe rahen tasawwur-e-jaanan kiye huye

جی ڈھونڈتا ہے پھر وہی فرصت، کہ رات دن​بیٹھے رہیں تصورِ جاناں کئے ہوئے​

Ghalib hamein na cheird ki phir josh-e-ashk se
Baithe hain hum tahayya-e-tufan kiye huye

غالبؔ ہمیں نہ چھیڑ، کہ پھر جوشِ اشک سے​بیٹھے ہیں ہم تہیّۂ طوفاں کئے ہوئے​  Ishq Mujhko Nahi Wahshat Hi Sahi – Mirza Ghalib PoetryDil Hi To Hai Na Sang-o-Khist Dard Se – Mirza Ghalib Poetry 

FOLLOW US:

● Facebook: Https://Bit.Ly/3kz8I6e

● Pinterest: Https://Bit.Ly/32MdcAm

● Youtube: Https://Bit.Ly/35blMZO