Table of Contents
Iza Dahi Ki Daad Jo Paata Raha Hun Mein – Jaun Elia
ایذا دہی کی داد جو پاتا رہا ہوں میں – جون ایلیا
Iza-dahi ki daad jo paata raha hun main,
Har naaz-aafreen ko satata raha hun main
ایذا دہی کی داد جو پاتا رہا ہوں میں
ہر ناز آفریں کو ستاتا رہا ہوں میں
Ai khush-khiraam paanw ke chhaale to gin zara
Uujh ko kahaan kahaan na phiraata raha hun main
اے خوش خرام پاؤں کے چھالے تو گن ذرا
تجھ کو کہاں کہاں نہ پھراتا رہا ہوں میں
Ek husn-e-be-misaal ki tamseel ke liye
Parchhaiyon pe rang giraata raha hun main
اک حسن بے مثال کی تمثیل کے لیے
پرچھائیوں پہ رنگ گراتا رہا ہوں میں
Kya mil gaya zameer-e-hunar bech kar mujhe
Itna ke sirf kaam chalata raha hun main
کیا مل گیا ضمیر ہنر بیچ کر مجھے
اتنا کہ صرف کام چلاتا رہا ہوں میں
Rooho’n ke parda-posh gunaaho’n se be-khabar
Jismo’n ki nekiyaan hi ginata raha hun main
روحوں کے پردہ پوش گناہوں سے بے خبر
جسموں کی نیکیاں ہی گناتا رہا ہوں میں
Tujh ko khabar nahin ke tera karb dekh kar
Aksar tera mazaaq udaata raha hun main
تجھ کو خبر نہیں کہ ترا کرب دیکھ کر
اکثر ترا مذاق اڑاتا رہا ہوں میں
Shayad mujhe kisi se mohabbat nahin hui
Lekin yaqeen sab ko dilata raha hun main
شاید مجھے کسی سے محبت نہیں ہوئی
لیکن یقین سب کو دلاتا رہا ہوں میں
Ek satr bhi kabhi na likhi main ne tere naam
Paagal tujhi ko yaad bhi aata raha hun main
اک سطر بھی کبھی نہ لکھی میں نے تیرے نام
پاگل تجھی کو یاد بھی آتا رہا ہوں میں
Jis din se aitimaad mein aaya tera shabaab
Us din se tujh pe zulm hi dhhaata raha hun main
جس دن سے اعتماد میں آیا ترا شباب
اس دن سے تجھ پہ ظلم ہی ڈھاتا رہا ہوں میں
Apna misaliya mujhe ab tak na mil saka
Zarro’n ko aaftab banata raha hun main
اپنا مثالیہ مجھے اب تک نہ مل سکا
ذروں کو آفتاب بناتا رہا ہوں میں
Bedaar kar ke tere badan ki khud-aagahi
Tere badan ki umr ghatata raha hun main
بیدار کر کے تیرے بدن کی خود آگہی
تیرے بدن کی عمر گھٹاتا رہا ہوں میں
Kal dopahar ajeeb si ek be-dili rahi
Bas tiliyaan jala ke bujhata raha hun main
کل دوپہر عجیب سی اک بے دلی رہی
بس تیلیاں جلا کے بجھاتا رہا ہوں میں
Read More:
Seena Dehak Raha Ho Tou Kya Chup Rahe Koi – Jaun Elia Poetry
Tumhara Hijr Mana Loon Agar Ijazat Ho – Jaun Elia Ghazal
Kitne Aish Se Rehte Hongy Kitne Itrate Hongy – Jaun Elia Ghazal
