Iss Basti Ke Ik Koochey Mein – Ibn e Insha Poetry

Iss Basti Ke Ik Koochey Mein

Ibn e Insha Poetry

Iss Basti Ke Ik Koochey Mein , Ik Insha Naam Ka Deewana
Ik Naar Pe Jaan Ko Har Gaya , Mash’hoor Hai Uss Ka Afsaana
Uss Naar Mein Aisa Roop Na Tha , Jis Roop Se Din Ki Dhoop Dabbey
Iss Shehar Mein Kya Kya Gori Hai , Mehtaab Rukhey Gulnaar Labbey
Kuch Baat Thi Uss Ki Baatoo’n Mein,Kuch Bhaid They Uss Ke Chitwan Mein
Wuhi Bhaid Ke Joat Jagaatey Hain , Kisi Chahney Waaley Ke Mann Mein
Ussey Apna Banaey Ki Dhun Mein , Hua Aap Hi Aap Se Begaana
Iss Basti Ke Ik Koochey Mein Ik Insha Naam Ka Deewana

اس بستی کے اِک کُوچے میں، اِک انشاء نام کا دیوانا
اِک نار پہ جان کو ہار گیا، مشہور ہے اس کا افسانہ
اس نار میں ایسا رُوپ نہ تھا، جس رُوپ سے دن کی دُھوپ دبے
اس شہر میں کیا کیا گوری ہے، مہتاب رخِ گلنار لیے
کچھ بات تھی اُس کی باتوں میں، کچھ بھید تھے اُس کے چتون میں
وہی بھید کہ جوت جگاتے ہیں، کسی چاہنے والے کے من میں
اُسے اپنا بنانے کی دُھن میں ہوُا آپ ہی آپ سے بیگانا
اس بستی کے اِک کُوچے میں، اِک انشاء نام کا دیوانا

Na Chanchal Khail Jawani Ke , Na Payaar Ki Al’harh Ghaatein Thein
Bus Raah Mein Unn Ka Milna Tha Aur Phone Pe Unn Ki Baatein Thein
Iss Ishq Pe Ham Bhi Hanstey They , Behasil Sa Behasil Tha?
Ik Roz Biphartey Sagar Mein , Na Kashti Thi Na Sahil Tha
Jo Baat Thi In Ke Ji Mein Thi , Jo Bhaid Tha Yaksar Anjaana
Iss Basti Ek Ik Koochey Mein , Ik Insha Naam Ka Deewana

نا چنچل کھیل جوانی کے، نا پیار کی الہڑ گھاتیں تھیں
بس راہ میں اُن کا ملنا تھا، یا فون پہ اُن کی باتیں تھیں
اس عشق پہ ہم بھی ہنستے تھے، بے حاصل سا بے حاصل تھا؟
اِک روز بِپھرتے ساگر میں، ناکشتی تھی نا ساحل تھا
جو بات تھی اُن کے دل میں تھی، جو بھید تھا یکسر انجانا
اس بستی کے اِک کُوچے میں، اِک انشاء نام کا دیوانا

Ik Roz Magar Barkha Rutt Mein , Wo Bhaadoon’ Thi Ya Sawan Tha
Deewar Pe Beech Sumandar Ke , Yeh Dekhney Waloo’n Ne Dekha
Mastana Haath Mein Haath Diye , Yeh Aik Kagar Pe Baithey They
Youn Shaam Hui Phir Raat Hui , Jab Sailaani Ghar Laot Gey
Kya Raat Thi Wo – Ji Chahta Hai Uss Raat Pe Likhein Afsaana
Iss Basti Ke Ik Koochey Mein Ik Inhah Naam Ka Deewana

اِک روز اگر برکھا رُت میں، وہ بھادوں تھی یا ساون تھا
دیوار پہ بیچ سمندر کے، یہ دیکھنے والوں نے دیکھا
مستانہ ہاتھ میں ہاتھ دئیے، یہ ایک کگر پہ بیٹھے تھے
یُوں شام ہوئی پھر رات ہوئی، جب سیلانی گھر لوٹ گئے
کیا رات تھی وہ جی چاہتا ہے، اُس رات پہ لکھیں افسانہ
اس بستی کے اِک کُوچے میں، اِک انشاء نام کا دیوانا

Haa’n Umar Ka Saath Nibhaaney Ke They Ehad Bohat Paimaan Bohat
Wo Jin Pe Bharosa Karney Mein Kuch Sood Nahi , Nuqsaan Bohat
Wo Naar Yeh Keh Kar Door Hui – ” Majboori Sajan Majboori”
Yeh Wehshat Se Ranjoor Huye Aur Ranjoori Si Ranjoori
Uss Roz Hamein Maloom Hua , Uss Shakhs Ka Mushkil Samjhana
Iss Basti Ke Ik Koochey Mein , Ik Insha Naam Ka Deewana

ہاں عمر کا ساتھ نبھانے کے تھے عہد بہت پیمان بہت
وہ جن پہ بھروسہ کرنے میں کچھ سوُد نہیں، نقصان بہت
وہ نار یہ کہہ کر دُور ہوئی “مجبوری ساجن مجبوری”
یہ وحشت سے رنجور ہوئے اور رنجوری سی رنجوری؟
اُس روز ہمیں معلوم ہوا، اُس شخص کا مشکل سمجھانا
اس بستی کے اِک کُوچے میں، اِک انشاء نام کا دیوانا

Go Aag Se Chaati Jalti Thi , Go Aankh Se Darya Behta Tha
Har Aik Se Dukh Nahi Kehta Tha , Chup Rehta Tha Gham Sehta Tha
Naadaan Hain Wo Jo Chairtey Hain , Iss Aalam Mein Deewanoo’n Ko
Uss Shakhs Se Aik Jawab Mila , Sab Apnoo’n Ko Baigaanoo’n Ko
“Kuch Aur Kaho To Sunta Hoo’n , Iss Baab Mein Kuch Mat Farmana”
Iss Basti Ke Ik Koochey Mein Ik Insha Naam Ka Deewana

گو آگ سے چھاتی جلتی تھی، گو آنکھ سے دریا بہتا تھا
ہر ایک سے دُکھ نہیں کہتاتھا، چُپ رہتا تھا غم سہتا تھا
نادان ہیں وہ جو چھیڑتے ہیں، اس عالم میں نادانوں کو
اس شخص سے ایک جواب ملا، سب اپنوں کو بیگانوں کو
“کُچھ اور کہو تو سُنتا ہوں، اس باب میں کچھ مت فرمانا”
اس بستی کے اِک کُوچے میں، اِک انشاء نام کا دیوانا

Ab Aagey Ka Tehqeeq Nahi , Go Sun’ney Ko Ham Suntey They
Uss Naar Ki Jo Jo Baatein Thein , Uss Naar Ke Jo Jo Qissey They
Ik Shaam Jo Uss Ko Bulwaya , Kuch Samjhaya Bechaarey Ne
Uss Raat Yeh Qissa Paak Kiya , Kuch Kha Hi Liya Dukhyaarey Ne
Kya Baat Hui , Kis Toar Hui ? Akhbaar Se Logoo’n Ne Jana
Iss Basti Ke Ik Koochey Mein , Ik Insha Naam Ka Deewana

اب آگے کا تحقیق نہیں، گو سُننے کو ہم سُنتے تھے
اُس نار کی جو جو باتیں تھیں، اُس نار کے جو جو قصے تھے
اِک شام جو اُس کو بُلوایا، کچھ سمجھایا بے چارے نے
اُس رات یہ قصہ پاک کیا، کچھ کھا ہی لیا دُکھیارے نے
کیا بات ہوئی کس طور ہوئی؟ اخبار سے لوگوں نے جانا
اس بستی کے اِک کُوچے میں، اِک انشاء نام کا دیوانا

Har Baat Ki Khoj To Theek Nahi , Tum Ham Ko Kahani Kehney Do
Uss Naar Ka Naam Maqam Hai Kya , Iss Baat Pe Parda Rehney Do
Ham Se Bhi Soda Mumkin Hai , Tum Se Bhi Jafa Ho Sakti Hai
Yeh Apna Bayaa’n Ho Sakta Hai , Yeh Apni Katha Ho Sakti Hai
Wo Naar Bhi Aakhir Pachtaayi , Kis Kaam Ka Aisa Pachtaana?
Iss Basti Ke Ik Koochey Mein , Ik Insha Naam Ka Deewaana

ہر بات کی کھوج تو ٹھیک نہیں، تم ہم کو کہانی کہنے دو
اُس نار کا نام،مقام ہے کیا، اس بات پہ پردا رہنے دو
ہم سے بھی تو سودا ممکن ہے، تم سے بھی جفا ہوسکتی ہے
یہ اپنا بیاں ہوسکتا ہے، یہ اپنی کتھا ہوسکتی ہے
وہ نار بھی آخر پچھتائی، کس کام کا ایسا پچھتانا؟
اس بستی کے اِک کُوچے میں، اِک انشاء نام کا دیوانا

Wo Khwaab Tha Bikhar Gaya – Urdu Sad Ghazal​

Farz Karo Hum Ahle Wafa Hon – Urdu Poetry by Ibne Insha

Gayi Wo Baat Ki Ho Guftugu Ho Kyunkar Ho – Mirza Ghalib Poetry

Usko Juda Huye Bhi Zamana Bahut Hua – Ahmad Faraz Ghazal

FOLLOW US:

Facebook: Https://Bit.Ly/3kz8I6e

Pinterest: Https://Bit.Ly/32MdcAm

Youtube: Https://Bit.Ly/35blMZO