Be Qarari Si Be Qarari Hai – بے قراری سی بے قراری ہے
بے قراری سی بے قراری ہے
وصل ہے اور فراق طاری ہے
be-qarari si be-qarari hai
vasl hai aur firaq taari hai
جو گزاری نہ جا سکی ہم سے
ہم نے وہ زندگی گزاری ہے
jo guzari na ja saki ham se
ham ne vo zindagi guzari hai
نگھرے کیا ہوئے کہ لوگوں پر
اپنا سایہ بھی اب تو بھاری ہے
nighare kya hue ki logon par
apna saaya bhi ab to bhari hai
بن تمہارے کبھی نہیں آئی
کیا مری نیند بھی تمہاری ہے
bin tumhare kabhi nahin aai
kya miri neend bhi tumhari hai
آپ میں کیسے آؤں میں تجھ بن
سانس جو چل رہی ہے آری ہے
aap men kaise aon main tujh bin
saans jo chal rahi hai aari hai
اس سے کہیو کہ دل کی گلیوں میں
رات دن تیری انتظاری ہے
us se kahiyo ki dil ki galiyon men
raat din teri intizari hai
ہجر ہو یا وصال ہو کچھ ہو
ہم ہیں اور اس کی یادگاری ہے
hijr ho ya visal ho kuchh ho
ham hain aur us ki yadgari hai
اک مہک سمت دل سے آئی تھی
میں یہ سمجھا تری سواری ہے
ik mahak samt-e-dil se aai thi
main ye samjha tiri savari hai
حادثوں کا حساب ہے اپنا
ورنہ ہر آن سب کی باری ہے
hadson ka hisab hai apna
varna har aan sab ki baari hai
خوش رہے تو کہ زندگی اپنی
عمر بھر کی امیدواری ہے
khush rahe tu ki zindagi apni
umr bhar ki umid-vari hai
Read More:
Naya Ek Rishta Paida Kiun Karain Hum – Jaun Elia Ghazal
Umar Guzregi Imtihan Mein Kya – Jaun Elia – عمر گزرے گی امتحان میں کیا
