2 Line Pyar Mohabbat Shayari in Urdu/Hindi | Urdunama.net

2 Line Pyar Mohabbat Shayari in Urdu/Hindi

Pyar Mohabbat Shayari

Mohabbat jab sakoon-e-zindagi barbaad karti hai..

Mohabbat jab sakoon-e-zindagi barbaad karti hai,
To labb khamosh rehte hain, nazar fariyad karti hai..

Pehle kabhi duniya se mohabbat nahi mangi..

Pehle kabhi duniya se mohabbat nahi mangi,
Yeh qehhat* teri mohabbat ke baad parra hai..

Khalish dil ki mitta lete hain..

Dekh lete hain khalish dil ki mitta lete hain,
Pass-e-dewaar kharre hain tera kya lete hain..

Bhool jana bhulaa dena faqat weham hi to hai..

Bhool jana bhulaa dena faqat weham hi to hai,
Dilon se kab nikalte hain mohabbat jin se ho jaye..

Pathar ko jaante they magar poojte rahe..

Pathar ko jaante they magar poojte rahe,
Ehl-e-wafa they aur murawwat ki baat thi..

Maana ke teri deed ke qaabil nahin hoon..

Maana ke teri deed ke qaabil nahin hoon main,
Tu mera shauq dekh, mera intizaar dekh..

Us se main kya mohabbat kya wafaa ki baat karta..

Us se main kya mohabbat kya wafaa ki baat karta,
Pinjraa khola to parindda jo urrna bhi na chaahe..

Chalo uss ka nahin to khuda ka ehsaan lete hain..

Chalo uss ka nahin to khuda ka ehsaan lete hain,
Woh minnat se nahin maana to mannat se maang lete hain..

Woh mujh per ajeeb assar rakhta hai..

Woh mujh per ajeeb assar rakhta hai,
Mere dil ki tamaam khabar rakhta hai,

Shayed main usey bhool hi jata magar,
Yaad aane ke woh saare hunar rakhta hai..

Uss ne milne ki bhi kya shart rakhi hai..

Uss ne milne ki bhi kya shart rakhi hai mohsin,
Ke chal ke aana hai sookhey pato’n pe aahat kiye bina..

Mujhe kisi se koi gharzz nahin..

Mujhe kisi se koi gharzz nahin,
mujhe kaam hai apne kaam se,

Teri zikar se, teri fikkar se,
Teri yaad se, tere naam se..

Hum ne har saans mohabbat pe fidaa ki hai..

Hum ne har saans mohabbat pe fidaa ki hai,
Har duaa main teri chahat ki iltijaa ki hai,

Tum kya karo ge mohabbat ki intihaa,
Hum ne to ibtidaa hi intihaa se ki hai..

Aye hasrat-e-deedaar yeh kya raaz hai akhir..

Aye hasrat-e-deedaar yeh kya raaz hai akhir,
Ke woh samne aatey hain to dekha nahin jaata..

Aghaaz-e-ishq to khoob tha yaaro kya kahoon..

Aghaaz-e-ishq to khoob tha yaaro kya kahoon,
Pehle to thi dil lagi ab dil pe ja lagi..

Mohabbat ko azmaana ho to bas itnaa hi kaafi hai..

Mohabbat ko azmaana ho to bas itnaa hi kaafi hai,
Zara sa rooth kar dekho manaaney kon ata hai..

Source: http://besturdupoetryworld.blogspot.com/

2 Line Ishq Poetry Collection in Urdu/Hindi

50+ Two Line Love Poetry in Urdu – 2 Line Muhabbat Shayari

Follow Us:

Facebook: Https://Bit.Ly/3kz8I6e

Pinterest: Https://Bit.Ly/32MdcAm

Youtube: Https://Bit.Ly/35blMZO