2 Line Ishq Poetry Collection in Urdu/Hindi
2 Line Ishq Poetry
Aatish-E-Ishq Woh Jahannum Hai,
Jis Mein Firdaus Ke Nazzaare Hain.
———————————
Ishq Ne, ‘Ghalib’, Nikamma Kar Diya,
Warna Hum Bhi Aadmi The Kaam Ke.
———————————
Ishq Par Zor Nahin Hai Yeh Woh Aatish, ‘Ghalib’,
Jo Lagaaey Na Lage, Aur Bujhaaey Na Bane.
———————————
Aaye Hai Be-Kasi-E-Ishq Pe Rona, ‘Ghalib’,
Kis Ke Ghar Jaayega, Sailaab-E-Bala Mere Baad.
———————————
Mohabbat Mein Nahin Hai Farq Jeene Aur Marne Ka,
Usi Ko Dekh Kar Jeete Hain, Jis Kaafir Pe Dam Nikle.
———————————
Aashiqi Sabar-Talab Aur Tamanna Betaab,
Dil Ka Kya Rang Karoon, Khoon-E-Jigar Hone Tak.
———————————
Ishq Se Tabiyat Ne Zeest Ka Maza Paaya,
Dard Ki Dawsa Psai, Dard-E-La-Dawa Paya.
———————————
Kahta Hai Kaun Naala-E-Bulbul Ko Be-Asar,
Parde Mein Gali Ke Laakh Jigar Chaak Ho Gaye,
———————————
Bulbul Ke Kaarobaar Pe Hain Khandahaaye Gul,
Kahte Hain Ishq Jis Ko Khalal Hai Dimaagh Ka.
———————————
Ishq Mein Jee Ko Sabr-O-Taab Kahaan
Us Se Aankhen Lagin To Khwaab Kahaan
——————————-
Ham Koi Tark-E-Vafaa Karte Hain
Na Sahi Ishq Museebat Hi Sahi
Ishq Tujh Ko Nahin Wahshat Hi Sahi
Meri Wahshat Teri Shohrat Hi Sahi
——————————-
Ishq Ne Pakda Na Tha ‘Ghalib’ Abhi Wahshat Ka Rang
Rah Gaya Tha Dil Mein Jo Kuchh Zauq-E-Khwaari Haay-Haay
——————————-
Bedaad-E-Ishq Se Nahin Darta Magar ‘Asad’
Jis Dil Pe Naaz Tha Mujhe Woh Dil Nahin Raha
——————————-
Arz-E-Niyaaz-E-Ishq Ke Qaabil Nahin Raha
Jis Dil Pe Naaz Tha Mujhe Woh Dil Nahin Raha
——————————-
Ik Lafz-E-Mohabbat Ka Itna Sa Fasana Hai,
Simte To Dil-E-Aashiq, Phaile To Zamaana Hai.
———————————
Ishq Hai Peyaare, Khel Nahin Hai,
Ishq Hai Kaare-Sheesha-O-Aahan.
———————————
Un Ka Jo Aqeeda Hai Woh Ahl-E-Sayaasat Jaanen,
Mera Paigham Mohabbat Hai, Jahan Tak Pahunche.
———————————
Ishq-E-La-Mahdood Jab Tak Rahnuma Hota Nahin,
Zindagi Se Zindagi Ka Haq Adaa Hota Nahin.
———————————
Allah Allah, Yeh Kamaal-E-Irtabaat-E-Husn-O-Ishq,
Faasle Hon Laakh, Dil Se Dil Juda Hota Nahin.
———————————
Ye Ishq Nahin Aasaan Bas Itna Samajh Leeje
Ik Aag Ka Darya Hai, Aur Doob Ke Jaana Hai
——————————-
Is Ishq Ke Haathon Se Hargiz Na Mafar Dekha
Utni Hi Barhi Hasrat Jitna Hi Udhar Dekha
——————————-
Ham Ishq Ke Maaron Ka Itanaa Hi Fasana Hai
Rone Ko Nahin Koi Hansne Ko Zamaana Hai
——————————-
Jab Tak Shabaab-E-Ishq Mukammal Shabaab Hai
Paani Bhi Hai Sharaab, Hawa Bhi Sharaab Hai
——————————-
Ishq Laa-Mahdood Jab Tak Rah-Numa Hota Nahin
Zindagi Se Zindagi Ka Haq Ada Hota Nahin
——————————-
Duniya Ki Fikr, Deen Ki Baaten, Khuda Ki Yaad,
Sab Kuchh Bhula Diya Tere Do Din Ke Payaar Ne.
———————————
Zauq-E-Naadeed Mein Lazzat To Hai Magar Naaz Nahin
Aa Mere Ishq Ko Maghroor Bana De Aa Kar
——————————-
Ishq Hi Ishq Hai Duniya Meri
Fitna-E-Aql Sey Bezaar Hoon Mein
——————————-
Ye Mere Ishq Ki Majbooriyaan Ma’az-Allah
Tumhara Raaz Tumhin Se Chupa Raha Hun Main
——————————-
Uthen Ge Abhi Aur Bhi Toofaan Mere Dil Se
Dekhoon Ga Abhi Ishq Ke Khwaab Aur Zyaada
2 Line Sad Shayari Collection in Urdu | Urdu Sad Poetry Two Line
100+ 2 Line Heart Broken Sad Poetry in Urdu | Sad Poetry in Urdu
Follow Us:
Facebook: Https://Bit.Ly/3kz8I6e
Pinterest: Https://Bit.Ly/32MdcAm
Youtube: Https://Bit.Ly/35blMZO
