2 Line Dosti Shayari in Urdu/Hindi
2 Line Dosti Shayari
Wo Mera Dost Hai Saare Jahaan Ko Hai Maaloom
Daghaa Kare Vo Kisi Se To Sharm Aaye Mujhe
⸻⸻⸻⸻⸻⸻
Main Muddaton Jiyaa Hoon Kisi Dost Ke Baghair
Ab Tum Bhi Saath Chhodne Ko Kah Rahe Ho, Khair
⸻⸻⸻⸻⸻⸻
Ham Se Poochho Na Dosti Ka Sila
Dushmanon Ka Bhi Dil Hila Dega
⸻⸻⸻⸻⸻⸻
Vo Zamaana Bhi Tumhein Yaad Hai Tum Kahte The
Dost Duniyaa Mein Nahin “Daagh” Se Behtar Apna
⸻⸻⸻⸻⸻⸻
Meri Khushi Se Mere Doston Ko Gham Hai “Shamim”
Mujhe Bhi Is Ka Bahut Gham Hai Kya Kiyaa Jaaye
⸻⸻⸻⸻⸻⸻
Dost Gham-Khvaari Mein Meri Sai Farmaayen Ge Kya
Zakhm Ke Bharne Talak Naakhoon Na Badh Jaayen Ge Kya
⸻⸻⸻⸻⸻⸻
Ai Dost Yoon To Ham Teri Hasrat Ko Kya Kahen
Lekin Ye Zindagi Bhi Koi Zindagi Nahin
⸻⸻⸻⸻⸻⸻
Jo Munkir-E-Vafaa Ho Fareb Us Pe Kya Chale
Kyon Bad-Gumaan Hoon Dost Se Dushman Ke Baab Men
⸻⸻⸻⸻⸻⸻
Nahin Gar Hamdardi Aasaan Na Ho Ye Rashk Kya Kam Hai
Na Di Hoti Khudaayaa Aarzoo-E-Dost Dushman Ko
⸻⸻⸻⸻⸻⸻
Bhool Shayad Bahut Badi Kar Li
Dil Ne Duniyaa Se Dosti Kar Li
⸻⸻⸻⸻⸻⸻
Tum Takalluf Ko Bhi Ikhlaas Samajhte Ho “Faraz”
Dost Hotaa Nahin Har Haath Milaane Vaalaa
⸻⸻⸻⸻⸻⸻
Dhoondhne Par Bhi Na Miltaa Thaa Mujhe Apnaa Vajood
Main Talaash-E-Dost Men Yoon Be-Nishaan Thaa Dosto
⸻⸻⸻⸻⸻⸻
Bad-Gumaan Ho Ke Mil Ai Dost Jo Milnaa Hai Tujhe
Ye Jhijhakte Hue Milnaa Koi Milnaa Bhi Nahin
⸻⸻⸻⸻⸻⸻
Hamen Bhi Doston Se Kaam Aa Padaa Yaani
Hamaare Doston Ke Bevafaa Hone Kaa Vaqt Aayaa
⸻⸻⸻⸻⸻⸻
“Ghalib” Nadim-E-Dost Se Aati Hai Boo-E-Dost
Mashghool-E-Haq Hoon Bandagi-E-Butaraab Men
⸻⸻⸻⸻⸻⸻
Doston Se Aaj Mulaaqaat Ki Shaam Hai
Ye Sazaa Kaat Ke Phir Apne Ghar Ko Jaaoon Gaa
⸻⸻⸻⸻⸻⸻
Dushmanon Se Pashemaan Honaa Padaa
Doston Kaa Khuloos Aazamaane Ke Baad
⸻⸻⸻⸻⸻⸻
Hataaye The Jo Raah Se Doston Ki
Vo Patthar Mere Ghar Men Aane Lage Hain
⸻⸻⸻⸻⸻⸻
Saaf Kab Imtihaan Lete Hain Vo To Dam Deke Jaan Lete Hain
Zid Har Ek Bat Men Nahin Achchhi Dost Ki Dost Maan Lete Hain
⸻⸻⸻⸻⸻⸻
Gire Gi Kahaan Ye Barq Dosto
Meraa To Kahin Aashiyaan Bhi Nahin
⸻⸻⸻⸻⸻⸻
Kyaa Lutf-E-Dosti Ki Nahin Lutf-E-Dushmani
Dushman Ko Bhi Jo Dekhiye Pooraa Kahaan Hai Ab
⸻⸻⸻⸻⸻⸻
Dosti Jab Kisi Se Ki Jaaaye
Dushmanon Ki Bhi Raay Li Jaaye
⸻⸻⸻⸻⸻⸻
Ai Dost Tum Se Tark-E- Ta’alluq Ke Baa-Vajood
Mahsoos Ki Hai Teri Zaroorat Kabhi Kabhi
⸻⸻⸻⸻⸻⸻
Ye Kahaan Ki Dosti Hai Ke Bane Hain Dost Naaseh
Koi Chaara-Saaz Hotaa Koi Gham-Gusaar Hotaa
⸻⸻⸻⸻⸻⸻
Mujhe Mere Doston Se Bachaaiye “Rahi”
Dushmanon Se Main Khud Nipat Loongaa
⸻⸻⸻⸻⸻⸻
Ye Fitnaa Aadami Ki Khaana-Viraani Ko Kyaa Kam Hai
Hue Tum Dost Jis Ke Dushman Us Kaa Aasamaan Kyon Ho
⸻⸻⸻⸻⸻⸻
Laakh Be-Mehar Sahi Dost To Rakhte Ho “Faraz”
Inhen Dekho Ke Jinhen Koi Bhi Sitam-Gar Na Milaa
⸻⸻⸻⸻⸻⸻
Yon Lage Dost Teraa Mujhase Khafaa Ho Jaanaa
Jis Tarah Phool Se Khushboo Kaa Judaa Ho Jaanaa
⸻⸻⸻⸻⸻⸻
Dost Ban Ban Ke Mile Mujh Ko Mitaane Vaale
Main Ne Dekhe Hain Kai Rang Badalane Vaale
⸻⸻⸻⸻⸻⸻
Mere Hamnafas, Mere Hamnavaa, Mujhe Dost Banke Daghaa Na De
Main Hoon Dard-E-Ishq Se Jaan-Ba-Lab, Mujhe Zindagi Ki Duaa Na De
⸻⸻⸻⸻⸻⸻
Ai Dost Mit Gayaa Hoon Fanaa Ho Gayaa Hoon Main
Is Daur-E-Dosti Ki Davaa Ho Gayaa Hoon Main
⸻⸻⸻⸻⸻⸻
Har Taraf Zeest Ki Raahon Men Kadi Dhoop Hai Dost
Bas Teri Yaad Ke Saaye Hain Panaahon Ki Tarah
⸻⸻⸻⸻⸻⸻
Khudaa Jab Dost Hai Ai “Daagh” Kyaa Dushman Se Andeshaa
Hamaaraa Kuchh Kisi Ki Dushmani Se Ho Nahin Sakataa
⸻⸻⸻⸻⸻⸻
Apnon Ne Nazar Pheri To Dil Ne To Diyaa Saath
Duniyaa Men Koi Dost Mere Kaam To Aayaa
Judai Poetry – 2 Line Judai Shayari in Urdu | Urdunama.net
Sad Heart Broken Poetry in Urdu – 2 line Heart Broken Poetry in Urdu
Follow Us:
Facebook: Https://Bit.Ly/3kz8I6e
Pinterest: Https://Bit.Ly/32MdcAm
Youtube: Https://Bit.Ly/35blMZO
